Abakora mu bucukuzi bw’amabuye y’agaciro barahamya ko uburinganire butanga umusaruro

Mu bukangurambaga bwari bumaze icyumweru bukorwa n’Ikigo cy’Igihugu gishinzwe Ubuziranenge RSB, ku bufatanye n’Urwego rw’Igihugu rushinzwe kugenzura ishyirwa mu bikorwa ry’uburinganire GMO, ndetse n’Ishami ry’Umuryango w’Abibumbye ryita ku Iterambere UNDP n’abandi bafatanyabikorwa bagaragarijwe n’abakora muri Gifurwe Mine ko kubahiriza ihame ry’uburinganire mu bakozi byatanze umusaruro.

Gifurwe Mine iherereye mu murenge wa Rugengabari, mu karere ka Burera ikaba icukurwamo amabuye y’agaciro ya Wolfram, ikaba iri mu bigo 18 byabonye seal certification mu kubahiriza ihame ry’uburinganire hagati y’abagabo n’abagore.

Umuhuzabikorwa wa Gifurwe Mine, Minani Noheli ahamya ko gukorana n’abagore mu bucukuzi b’amabuye y’agaciro bifasha abagore gutinyuka akazi ndetse bagahugurwa bakamenya ko ari akazi nk’akandi.

Ati “Kugeza ubu muri gifurwe mine hari abagore dukorana ni 150 mu bakozi 850 turacyafite urugendo ariko kandi kwigisha ni uguhozaho, bitewe nuko umwuga w’ubucukuzi ari umwuga abadamu n’abakobwa batari bamenyereye gukora niyo mpamvu tugenda dukomeza kwigisha kandi dushira imbaraga mu kwimakaza ihame ry’uburinganire.”

“Kubera akamenyero gake mu bijyanye n’ubucukuzi ku bagore n’abakobwa hari uburyo tubafashamo iyo baje ari bashya , hari amezi atatu tutanga yo kwimenyereza bakora ahantu hatandukanye muri iki kirombe bakamenya ubwoko bw’amabuye ducukura n’uburyo bayatandukanya n’andi.”

Yakomeje agira ati “Dukomeza kubereka ingero za bandi bagore babanjirije n’urwego bamaze kugeraho kuko barahari bafati muri kampani yacu.ikindi nk’ababyeyi bakora muri iki kinombe iyo batwite hari imirimo iba yarabagenewe bitewe n’amezi inda ifite mu gihe umubyeyi yumvise nta mbaraga agifite zo kujya mu kirombe icyo gihe turamufasha.

Umubyeyi ukorera mu kirombe cya gifurwe, Akingeneye Jeanette avuga ko mu myaka icumi amaze akora muri gifurwe hagaragaye itandukaniro ku musaruro aho bashiriyeho irerero rya bana ndetse bakubahiriza ihame ry’ubuhangire mu kazi hari icyo byahinduye ugeraranyije na mbere.

Ati “Dutera iperu sa moya tukajya mu kazi ntakibazo ,tuba twiringiye ko abana bacu bari burye bakanywa kuko bafite ababitaho mu buryo bwiza, bituma umusaruro dutanga ku kigo ndetse natwe ubwacu wiyongera kuko ntabwo interekerezo zacu zijya kure ya kazi turi gukora.”

Umuyobozi w’Ishami rishinzwe amabwiriza y’ubuziranenge muri RSB, Gatera Emmanuel avuga ko amabwiriza y’ubuziranenge yaje gufasha ibigo bya Leta ndetse n’abikorera mu kwimakaza ihame ry’uburinganire no gufasha kuzuza gahunda zindi za Leta, by’umwihariko gahunda yo kongerera agaciro ibikorwa bitandukanye inzego zaba izabikorere n’iza Leta byagiye bishyira mu bikorwa kwimakaza ihame ry’uburinganire.

Yakomeje avuga ko amabwiriza y’ubuziranenge yaje ashyiraho umurongo ku bisabwa birimo gushyiraho ingamba za gahunda zitandukanye mu bigo, ariko gahunda y’umwihariko ari uguha amahirwe buri wese mu kazi, kugira ngo umusaruro uboneka mu bigo bya Leta n’abikorere ube wagizwemo uruhare hagati y’ibitsina byombi.

Amabwiriza y’ubuziranenge aje kuzuza gahunda zari ziriho, na none atanga umuronko ku birango by’ubuziranenge bishobora kuba byatangwa ku bayubahirije nk’unko dusanzwe dutanga ibirango by’ubuziranenge, kandi bifite agaciro atari ibintu twe tumenyango twa bikoze cyangwa se RSB ahubwo ari ikintu wavuga ko wagezeho waharaniye ku buryo n’umuntu utari mu Rwanda yatwigiraho mu nganda zacu ku birebana no kubahiriza ihame ry’uburinganire.

Kuri uyu wa 10 Gicurasi 2024 ibigo 18 bya Leta n’ibyabikorera byashyikirijwe ikirango cy’ubuziranenge mu kubahiriza ihame ry’uburinganire hagati y’abagabo n’abagore mu mirimo.

TUYISHIME Olive/INZIRA.RW