Banki nkuru ya Kenya yatangaje ko guhera taliki 02, Mata, 2024 ishami rya Banki ya Kigali I Nairobi muri Kenya ryafunze imiryango.
Itangazo ryashyizwe ahagaragara kuri uyu wa 5 Mata 2024 na Banki nkuru ya Kenya(The Central Bank of Kenya (CBK) rivuga ko impamvu yabyo ari uko Banki ya Kigali yanzuye ko ibikorwa byayo byose bigomba gukorwa mu buryo bw’ikoranabuhanga.
Ibi byanashimangiye na Banki ya Kigali yavuze izakomeza ibikorwa byayo hifashishijwe ikoranabuhanga, ndetse abakiriya ba BK Goup Plc batazagira ikibazo na kimwe giturutse ku irifungwa ry’ishami ryabo i Nairobi.
BK yatangiye gukorera muri Kenya mu mwaka wa 2012.
Itangazo ry’uko iri shami rya Banki ya Kigali rifunzwe rigira riti “ Banki nkuru ya Kenya iramenyesha abantu bose ko ibyangombwa byemereraga Banki ya Kigali ishami rya Kenya gukomeza gukora bitagikora. Ni icyemezo gishingiye ku ngingo ya 43 igenga za Banki yitwa Banking Act.”
INZIRA.RW
