Mu itangazo ryashyizwe hanze na RwandaAir yashyize hanze ku mpamvu batatangaje itumye bahagarika ingendo zakorerwaga Cape Town, batangaje ko iki cyemezo kizatangira gushyirwa mu bikorwa taliki 27, Ukwakira, 2024.
Bagize bati “RwandAir izahagarika ingendo zayo zijya cyangwa ziva Cape Town guhera tariki 27 Ukwakira 2024.”
Ubuyobozi bwa RwandAir buvuga ko abagenzi bari bafite tike zo kujya muri uriya Mujyi bakwiye kwegera aho Rwandair ikorera hakarebwa uko bafashwa.
Ingendo za RwandAir ziva cyangwa zijya Cape Town zatangiye mu mwaka wa 2018, gusa indege ibanza guca mu Murwa mukuru wa Zimbabwe, Harare kugira ngo igire abo ihasiga n’abo ihafata mbere yo gukomeza muri Afurika y’Epfo.
Gusa iki cyemezo kije nyuma y’uko RwandAir kandi yaherukaga guhagarika ingendo zayo mu Buhinde mu mujyi wa Mumbai.
Ku rundi ruhande, RwandAir ikomeje kwagura amarembo cyane cyane mu Burayi, Aziya na Amerika, no mu bihugu bimwe na bimwe by’Afurika naho ihakorera ingendo ariko cyane cyane mu Burengerazuba bw’uyu mugabane.
INZIRA.RW
