Umunyarwandakazi utwara indege, Pilote Mbabazi Esther yinjiye mu ihuriro ry’abagore batwara indege bo ku rwego rwa Captain ku Isi.
Esther Mbabazi aherutse gushyirwa mu rwego rwa ‘Captain’ mu gutwara indege ari nayo mpamvu yamufashije kwinjiye muri ‘Captain’s Club’, icyiciro kigize Ihuriro ry’Abagore batwara Indege ku Isi.
Ihuriro ry’Abagore b’Abapilote ryo muri Leta Zunze Ubumwe za Amerika, rizwi nka ‘International Society of Women Airline Pilots’, ryatangaje ko Esther Mbabazi yagizwe ‘Captain’ ku wa 23 Kamena 2024, kuko ari bwo yakoze urugendo rwa mbere rw’indege ari we uyoboye.
Uyu munyarwandakazi, Mbabazi Esther nka ‘captain’ afite ubushobozi bwo gutwara Boeing 737.
Ni mugihe yari afite ubushobozi bwo gutwara nk’umwungiriza indege zirimo Airbus A330 na Bombardier CRJ900.
Esther Mbabazi yize gutwara indege muri East African Civil Aviation Academy hagati ya 2008 na 2010, ayakomereza muri Flight Safety International muri Leta Zunze Ubumwe za Amerika hagati ya 2011 na 2011. Kuva mu 2011 kugeza ubu ni umupilote muri Sosiyete Nyarwanda y’Ubwikorezi bw’Ingendo zo mu Kirere, RwandAir.
INZIRA.RW
primer-8